1.
Lè j’armayi di Kolonbètè
Dè bon matin chè chon lèvâ.
Chorus I:
Ha ah ! ha ah !
‖: Lyôba, lyôba, por aryâ. :‖
Vinyidè totè, byantsè, nêre,
Rodzè, mothêlè, dzouvenè ôtrè,
Dèjo chti tsâno, yô vo j’âryo,
Dèjo chti trinbyo, yô i trintso.
‖: Lyôba, lyôba, por aryâ. :‖
2.
Kan chon vinyê i Bachè j’Ivouè
Tsankro lo mè ! n’an pu pachâ.
Chorus II:
Ha ah ! ha ah !
‖: Lyôba, lyôba, por aryâ. :‖
Lè chenayirè van lè premirè,
Lè totè nêrè van lè dêrêrè.
‖: Lyôba, lyôba, por aryâ. :‖
3.
« Tyè fan no ché mon pouro Piéro ?
No no chin pâ mô l’inrinbyâ. »
Chorus I
4.
« Tè fô alâ fiêr a la pouârta,
A la pouârta dè l’inkourâ. »
Chorus II
5.
— « Tyè voli vo ke li dyécho ?
A nouthron brâvo l’inkourâ. »
Chorus I
6.
— « I fô ke dyéchè ouna mècha
Po ke no l’y pouéchan pachâ »
Chorus II
7.
L’y è j’elâ fiêr a la pouârta
È l’a de dinche a l’inkourâ :
Chorus I
8.
« I fô ke vo dyécho ouna mècha
Po ke no l’y puéchan pachâ. »
Chorus II
9.
L’inkourâ li fâ la rèponcha :
« Pouro frârè che te vou pachâ, »
Chorus I
10.
« Tè fô mè bayi ouna motèta
Ma ne tè fô pâ l’èhyorâ. »
Chorus II
11.
— « Invouyi no vouthra chèrvinta
No li farin on bon pri grâ. »
Chorus I
12.
— « Ma chèrvinta l’è tru galéja
Vo porâ bin la vo vouêrdâ. »
Chorus II
13.
— « N’ôchi pâ pouêre, nouthron prithre,
No n’in chin pâ tan afamâ.»
Chorus I
14.
« Dè tru molâ vouthra chèrvinta
Fudrè èpè no konfèchâ. »
Chorus II
15.
« Dè prindre le bin dè l’èlyije
No ne cherin pâ pèrdenâ. »
Chorus I
16.
— « Rètouârna t’in mon pouro Piéro
Deri por vo on’Avé Maria. »
Chorus II
17.
« Prou bin, prou pri i vo chouèto
Ma vinyi mè chovin trovâ. »
Chorus I
18.
Piéro rèvin i Bâchè j’Ivouè
È to le trin l’a pu pachâ.
Chorus II
19.
L’y an mè le kiô a la tsoudêre
Ke n’avan pâ la mityi aryâ.
Chorus I