1.
Pūgõ, tūļ, ja ajā laijõ,
Ajā mīnda Kurāmōl!
Kurmōnikād minnõn tȭitist
Eņtš tidārõd jovājist.
2.
Tȭitõs Tȭitist, bet ist āndat,
Kītist mīnda jūojizõks,
Kītist mīnda sūr jūojizõks,
Ibīz ailijizõks ka.
3.
Kīngan rō ma jarā jūond um,
Kīngan ibīz ailõn ma?
Īž eņtš rōdõ jūob ma krūogõs,
Īž eņtš ibīst ailõb ma.
4.
Pōlaks, pallõs, krūogõnikā,
Tūo sa vȯltõ vȭlga pǟl!
Tulāb sigž ja kazāb vȯddõrz,
Ma sin gūodig aizmaksāb.
5.
Tulāb sigž, ma võtāb nāista,
Kutsūb sīnda kōznigiz,
Jūom kuolm päuvõ kōznigidi,
Panūksnikād daņtšõgõd.