1.
Tolki ŭ sercy tryvožnym pačuju
Za krainu radzimuju žach,
Ŭspomniu Vostruju Bramu śviatuju
I vajakaŭ na hroznych kaniach.
Ŭ biełaj pienie pranosiacca koni,
Rvucca, mknucca i ciažka chrypiać,
‖: Staradaŭniaj Kryvickaj Pahoni
Nie raźbić, nie spynić, nie strymać! :‖
2.
U biaźmiernuju dal vy lacicie,
A za vami, prad vami — hady.
Vy za kim u pahoniu śpiašycie?
Dzie šlachi vašy jduć i kudy?
Mo jany, Biełaruś, paniaślisia
Za tvaimi dziaćmi naŭzdahon,
‖: Što zabyli ciabie, adraklisia,
Pradali i addali ŭ pałon? :‖
3.
Bicie ŭ sercy ich — bicie miačami,
Nie davajcie čužyncami być!
Chaj pačujuć, jak serca načami
Ab radzimaj staroncy balić.
Maci rodnaja, Maci-Kraina!
Nie ŭścišycca hetaki bol.
‖: Ty prabač, ty prymi svajho syna,
Za Ciabie jamu ŭmierci dazvol! :‖