1.
Sant Galle isch mis Heimatland.
Bont gschägget isch sis Chleid,
wieds niene fendscht of dere Welt
so loschtig zämagnäit.
‖: drom kennts en jede a sim Gwand,
jo, üsers lieb Sant Gallerland. :‖
La, la, la, …
jo s lieb Sant Gallerland.
2.
Im Toggeborg, am Zörisee,
im Oberland, am Rhii,
im Förschteland ond i de Stadt,
gär alles, grooß ond chlii,
‖: öb arm, öb riich, en jede Stand
het Freud a sim Sant Gallerland. :‖
La, la, la, …
a sim Sant Gallerland.
3.
D Sant Galler ghööred zo de Schwiz,
wie d Appezeller au,
send stolz of erni Berg ond Flös
ond erni Seeä blau,
‖: stönd treui Wacht ganz doß am Rand
vo üsem freie Schwizerland. :‖
La, la, la, …
vom freie Schwizerland.
4.
Im Wappe lüüchtet d Einigkeit,
ond das sei üse Stern!
No dee, wo au sim Nöchschte helft,
het sini Heimat gern:
‖: Ond so schlüüsst zäme üs ei Band!
Bhüet Gott, bhüet Gott s Sant Gallerland! :‖
La, la, la, …
Bhüet Gott s Sant Gallerland!