1.
Lanta nos bos ban kanta
grandesa di Kòrsou;
Kòrsou isla chikitu,
Baranka den laman!
Kòrsou nos ta stima bo
ariba tur nashon.
Bo Gloria nos ta kanta
di henter nos kurason.
2.
Nos pueblo tin su lucha,
ma semper nos tin fe
di logra den tur tempu
viktoria ku trabou!
Ban duna di nos parti
p’e isla prosperá.
Laga nos uni forsa
p’asina triunfá.
3.
Nos patria nos ta demostrá
Honor i lealtat,
meskos na e bandera
union di nos nashon.
Nos bida lo ta poko
pa duna nos pais,
luchando uní pa libertat,
amor i komprenshon.
4.
I ora nos ta leu fo’i kas
nos tur ta rekordá
Kòrsou su solo i playanan,
orguyo di nos tur.
Laga nos gloria Kreadó
tur tempu i sin fin,
k’El a hasi nos digno
di ta yu di Kòrsou!
1.
Nos tera ta baranka
i solo ta kima;
pobresa ta nos suerte
i bida ta pisá.
Ma dushi ta di bida
trankilo i sosegá,
gosando di fabornan
di un tera respetá!
2.
Den tur nashon, nos patria
ta poko konosí;
den lama’ inmenso,
e ta keda skondí.
Mas tòg nos stim’ele
ariba tur nashon;
su gloria nos ta kanta
di henter nos kurason!