1.
En Köln am Rhing ben ich gebore,
ich han un dat litt mir em Senn,
ming Muttersproch noch nit verlore,
dat eß jet, wo ich stolz drop ben.
Chorus (×2):
Wenn ich su an ming Heimat denke
un sin d’r Dom su vör mir ston,
‖: mööch ich direk op Heim an schwenke,
ich mööch zo Foß no Kölle gon. :‖
2.
Ich han su off vum Rhing gesunge,
vun unsem schöne, deutsche Strom,
Su deutsch wie he ming Leeder klunge,
su deutsch bliev Köln met singem Dom.
Chorus (×2)
3.
Un deiht d’r Herrjott mich ens rofe,
dem Petrus sagen ich alsdann:
„Ich kann et räuhig dir verzälle,
dat Sehnsucht ich no Kölle han.“
Chorus (×2)
4.
Un luuren ich vum Himmelspöözche
dereins he op ming Vaterstadt,
well stell ich noch do bovve sage,
wie gähn ich dich, mie Kölle, hatt.
Chorus (×2)