1.
Dejós ma fenèstra
I a un aucelon
Tota la nuèit canta
Canta sa cançon
Chorus:
Se canta, que cante
Canta pas per ieu
Canta per ma mia
Qu’es al luènh de ieu
2.
Dessús ma fenèstra
I a un ametlièr
Que fa de flors blancas
Coma de papièr
Chorus
3.
Aquelas flors blancas
Faràn d’ametlons
N’emplirem las pòchas
Per ieu e per vos
Chorus
4.
Aval dins la plana
I a un pibol traucat
Lo cocut i canta
Benlèu i a nisat
Chorus
5.
Aquelas montanhas
Que tan nautas son
M’empachan de veire
Mas amors ont son
Chorus
6.
Abaissatz-vos, montanhas
Planas auçatz-vos
Per que posqui veire
Mas amors ont son
Chorus
7.
Aquelas montanhas
Se rabaissaràn
E mas amoretas
Se raprocharàn
Chorus