Viva, viva Nissa la bella !
1.
O la miéu bella Nissa,
Regina de li flou,
Li tiéu vièji taulissa
Iéu canterai toujou !
Canterai li mountagna,
Lu tiéu riche decor,
Li tiéu verdi campagna,
Lou tiéu gran soulèu d’or !
Chorus:
Toujou iéu canterai
Souta li tiéu tounela
La tiéu mar d’azur,
Lou tiéu cièl pur,
E toujou criderai
En la miéu ritournella :
« Viva, viva Nissa la bella ! »
2.
Canti la capelina,
La rosa, lou lilà,
Lou pouòrt e la Marina,
Païoun, Mascouïnà !
Canti la soufieta
Doun naisson li cansoun,
Lou fus, la coulougneta,
La miéu bella Nanoun !
Chorus
3.
Canti li nouòstri gloria,
L’antic bèu calèn,
Dòu gioungioun li vitoria,
L’òudou dòu tiéu printèms !
Canti lou vièlh Cincaire,
Lou tiéu blanc drapèu,
Pi lou brès de ma maire
Dòu mounde lou pu bèu !
Chorus